Wednesday, June 14, 2006

kay bisaya man gud

haay kakapoy ba aning kinabuhia, sa balay inenglis, sa opisina eninglis napod kay wala man ta kauban nga pinoy. wa na ako englis nahurot na, usahay lami kaayo magsinggita ug bisaya para makaistorya pod ko. Usahay tawn magistorya ko ako kaugalingon para lang makabisaya ko. Naa pod ko mga kadula ug badminton, puro pod tagalog, dili gihapon ko ka bisaya, haaaay kakapoy ba ani. Usahay matingala ko ani mga intsik diri, mga sapian man unta pero pirti kahilig ug mugbo nga sinena. Maorag ang mini o micro ba tawag ana, pirti kauso, pastilan kita tawn nga gikan sa layong syudad, mag cge na lang pangag-ho.Ho!!! Naa poy uban diri nga pirit kahilig ug high tech na apil bakos naa gadagan dagan nga LED nga suga. Pastilan magkatawa na lang ko ako ra usa, kulang ani nila antenna sa ulo para mahimong robot.

Sa tinood na lang gabidlion nako cge kaon aning pansit nga sabaw nila, dili nako kasabot sa pagkaon. Tungod tawon sa ako kaignorante, pa sosyal lagi order pod ko Korean food daw, pastilan pirti kahalang, lami kaayo isyagit ug tabang, ug lain pa ra ba diri kay ang drinks lahi ug palitan nga corner, pastilan pirti nang halanga, galuha na ako mata. Mao lagi na magbasa basa, unsaon nga inintsik man pod nakabutang didto unsaon nako pagkabalo nga halang tu.

Bilib pod ko diri kay ang bus didito ra jud mohunong sa bus stop. Ako nga ignorante lagi, pag abot sa bus doul sa ako gipuy-an puypuy dayon maorag pinas ba, tweeet tweew!! ayay dili amn diay pwede, gitan-aw ra tawn ko sa driver nga natingala. Hulat pa tawn ko pila ka minutos ayha nihunong ang bus didto sa sunod nga bus stop. Mao!!! baktas napod ko pabalik. Samot ta kaniwang ani diri.

Ganahan pod ko diri, kay uso ang sapyot! heheheh sa pilipinas maulaw ta inshirt kay wa lagi ta sampot, apan diri pastilan kadaghan ga insert, way mga sampot. So kita para sunod sa uso, inshirt pod ta, tutal daghan bitaw mi sapyot...hehehe lipay pod ko.

Naa pod ni mga indiyan diri, nga wala ko kasabot ngano pirti kabaho sa ilahang mga ilok. Moarag wala gani sila kaila unsa nang tawas, basta hapon na ting pamauli, pastilan maorag lami na kaayo dili moginhawa sa bus. Mo utong na lang ka pagayo, hangtod ka mga mo kaging para dili nimo masimhot ilaha ilok.

Pero ako lang pansin, pirti ka mga slim ani mga intsik diri, kargado man gud sila ug baktas. Uso kay baklay diri, mao na baklay lang pod ko. Dha tawn sa ato kada corner sakay, tapos hunong bisan asa, diri tawn kung imo opisina isa ka kilometro sa bus stop, wa ka choice baktas ka paingon didto. Gusto ka hatod didto, sakay ka taxi nga pirti kamahal. Plete sa bus 65 cents, sa taxi paglingkod nimo 2 dollars na. Sa ato 60 pesos na. So baktas na lang ta...para tipid.

Haay ok na, napagawas na nako ako bisaya.....diri na lang ko kutob.

4 comments:

Maria Marien said...

Salamat sa imong bisaya nga blog post. Nalingaw gyud ko pagbasa kay pareho sa imo, nia tawon ko diri sa Massachusetts, ug wala gyuy bisaya nga kaistorya.

Lovell said...

Hello, nalingaw intawon ko ug basa sa imong binisaya. Dri pod cge mi English ug Tagalog...pareho ra diay ta ug experience sa mga Indians, lami kaau di iginhawa pag cla imong matapad.
Keep writing!

Anonymous said...

hehehe, i had fun too. :)

Tina said...

Pinoy Showbiz Photos